دواى ئەوەى بەڕێوەبەرایەتیمان بەدواداچوونى وردى بۆ تاوانى كوشتنى (نەزاهەت عومەر مەحمود)، كرد كە لەشارۆچكەى حاجیاواى سەر بەقەزاى رانیە كوژرا رۆژى (3/11/2008) بەهاوكارى هێزەكانى پۆلیسى فریاكەوتن و ئاسایشى سلێمانى دوو تۆمەتباریان دەستگیركران، بەمەبەستى دۆزینەوەو دەستگیركردنى تۆمەتبارانى ترى ئەم تاوانە بەڕێوەبەرایەتیمان بەردەوام بوو لە بەدواداچوون و هەوڵەكانى هەر بۆیە رۆژى (10/11/2008) لەرێگەى نوسینگەى رانیەى بەڕێوەبەرایەتیمانەوە بەهاوكارى چەند كەسایەتییەكى دیارى ناوچەكە تۆمەتبارى سێیەم خۆى تەسلیم بە بنكەى پۆلیسى حاجیاوا كرد كە بەپێى ماددەى (406) لەیاساى سزادانى عێراقى تۆمەتبارە.
 بەم پێیە لە كۆى چوار تۆمەتبارى تاوانى كوشتنى (نەزاهەت)، سىَ تۆمەتباریان دەستگیركراون و لەهەوڵەكانمان بەردەوام دەبین بۆ گرتنى تۆمەتبارى چوارەم و هەموو ئەو كەسانەى تۆمەتبارن و ئەوانەش كە لەداهاتوودا تۆمەتبار دەبن بە ئەنجامدانى توندوتیژى دژى دژنان.
  لەگەڵ ڕێزدا
 بەڕێوەبەرى  بەدواداچوونى توندوتیژى دژى ژنان