دڵی كوردستان و بەرەی توركومانی و هەڵوێستەیەك_ بەشی یەكەم

 ئاسۆ مەنگور:
 ئەگەر خوا بەڵای عوسمانیەكانی نەكردباین بە توشەوە ئێست لە رێزی شارستانیەتی دونیا كەمتر نەدبوین
                                                           تەها حسین _عوسمانیەكان _1989 _ل185
 یەكەم كەسی ( تورك رەگەز )  لە سەردەمی ئەمەویەكاندا هێنرا بۆ عێراق لە لایەن  زیاد بن ئەبیە (زیاد بن ئەبیە- یەكێك بوو لە سەركردە سەربازیەكانی خەلافەتی راشدی چوارەم  ,  كەسێكی  نزیكی عەلی كوری ئەبی تالب و معاویەی ئەبو سوفیان بوو ) لە یەكێك لە بازارەكانی كۆیلە فرۆشی  شاری (بوخارا)  ئەو كۆیلە  توركەی كأی  بۆ ئەوەی بیكات بە پاسەوانی بەندیخانەی كوفە ( بروانە / حسن العلوی –مێژووی ئیسلامی سیاسی) . تەبەری  دەركەوتنی یەكەم كۆچی توركەكان بۆ ئێراق و رۆژهەلات دەگەرێنێتەوە بۆ سەردەمی( عبیداللە بن زیاد و ساڵی 673 میلادی ) , كە 2000 (رەگەز تورك) ی نارد بۆ ئێراق بۆ مەبەستی كاری سەربازی وە ئەوانیش لە بەسرا نیشتەجێ كران (بروانە:- تەبەری _ تاریخ الأمم والملوك /ل221).
 لەگەڵ رێزمدا بۆ هەموو كۆیلەكانی دونیا , سەری نەوازش دادەنەوێنم  بۆ مێژووی هەموو نەتەوەیەك  ئەگەر ئەو مێژوە رەسەن بێت , ئەگەر لە سەر ئیسك و جمجمەی  گەلانی تر هەڵنەچنرابێت , ئەگەر ئەو میژوە راستی بێت نەك ئەفسانە.. ئەگەر  خەڵتانی خوێن نەبێت و لەسەر كەوڵ و چەرمی  گەلانی  تر نەنوسرابێتەوە.
 نەك  وەكو مێژووی گەلی تورك لە لە جەنگیزخانەوە بۆ هۆلاكۆ لەوەو بۆ تەیموری لەنگ لەوەو بۆ سوڵتان عەبدول ئەلحەمید لەوەو بۆ ئەتاتورك لەویشەوە بۆ وردەواڵەی وەكو تاسۆچیلەرو ئەردۆگان یەشار بیوك  سەرتاپای بریتیە لە بۆنی خوێن و سەربرین و سوكایەتی بە هەموو بەها پیرۆزەكانی مرۆڤ و  شارستانێتی و تەنانەت دینی ئیسلامی پیرۆز ....
 بەرەی توركمانی سەر بە میتی توركی كە لە هەموو  بڵاوكراوەكانیاندا (زۆر بە شانازی لوتبەرزیەوە)  جەخت لە سەر ئەوە دەكەنەوە كە پەیوەندی (عەرەقیان) هەیە لەگەڵ  رژێمی كۆكوژی  تورك  لەوەدا نكۆلیمان نیە  ئەوەی سەیرو سەمەرە ترە  وەچەو رەگەزیان  دەگەرێتەوە بۆ دەوڵەتی سۆمەر ( بروانە  بڵاو كراوەی بەرە  : هەڵوێستەكانی رەوتی سیاسی , ژمارە چوار –تشرینی یەكەمی 2002 –ل3 ) وتاری سەنعان ئەحمەد كە ئەو كات سكرتێری  بەرەی توركمانی بوو  دەڵێ:- ئیمە توركومانی ئیراق لە سەردەمی ئەژدادمانەوە كە سۆمەریەكانن ئێراقمان وەكو نیشتمانی خۆمان هەلبژاردوە ... واوەتر دەڵێ :- بەڵا م خەڵكانێك ( كە مەبەستی كوردە) راستی میژوویی ئیمەیان شێواندوە وە پروپاگەندەی ئەوە دەكەن كە ئێمە شتێك نین زیاتر لە پاشماوەی دەوڵەتی عوسمانی و مەسەلەی موسڵ...
 پیم سەیرە كەسێك بەو شێوە درۆ لە گەڵ خۆیی و خەلك و میژوودا دەكات ..بۆ ... لە بەرچی ؟! بۆ سەلـاندنی خۆی یان بۆ رەتكردنەوەی ئێمە ؟!  دەبێ خۆ سەپاندن  بە سەر شانی مێژودا  ئەوەندە ئاسان بێت؟! یان رەتكردنەوەی مێژوو كولتورو رەسەنایەتی گەلێك هەر وا بە هەرەمەكی رەشبكرێتەوە ؟! بیگومان نا _ مەگەر لە  فەهەنگی (نافەرهەنگ)ی بەرەی توركومانی و ژەنەراڵە ئاغاكانیاندا شیاو بێ....  
  بۆ زیاتر ناسینی بەرێز سەنعان ئەحمەد ئاغا  لە ژمارەی 62 ی گۆواری  (لڤین ) دا یەكێك لە مەلەفەكانی (سەنعان ئاغا) لەگەڵ مەلەفی ( شێروان ناسح حەیدەری )  ئەندامی پەرلەمان و سەرۆكی لیستی  زەردو سەرۆكی لێژنەی یاسادا بڵاو كراوەتەوە –مەلەفەكەش پەیوەستە بە ئەنفالی 8000 بارزانیەكان و ئەو جوتەش لەگەڵ ژمارەیەكی زۆری ترا  بە یارمەتی پارە بەخشین و  مەعنەوی هاریكاریان كردوە .. ئەوەی دواییان بوو بە هۆی دەست لەكار كێشانەوەی  شێخ ئەدهەم بارزانی لە پەرلەمانی كوردستان ) .
 هەر هەمان بەرە  وەكو لاسایی كردنەوەی توركە مەغۆلەكان خۆیان لەوە گێل دەكەن كە كورد یەكێكە لە رەسەنترین و كۆنترین گەلانی رۆژ هەلات . هەمیشە وەكو ئاغا رەگەزپەرستە گەمژەكانیان هەوڵ دەدەن  ئێمەی كورد بە خەڵكی (هاوردە ) بناسێنن.... دیارە بەرێز سەنعان ئەحمەدیش لە هەمان هەڵە كەوتوەو (جەمع و تەرح)ەكەی لە فەرهەنگی شۆڤێنیستی هەلێنجاوەو  لەگەڵ راستی و مێژوودا یەكناگرێتەوە , ئەفسانەیەكە كە بەرەی توركومانی بۆ  َرازی كردنی ژەنەراڵەكان هەلیبەستوە , نەعامە ئاسا پێیان وای ئەوەی سەری بخاتە ژێر لــــم كەس نایبینێت!!.
 خۆ هەڵاوردن لە (میژوو)  بەڵـــگەیەكی كەم نادات بە دەستەوە !!
 یان بە مەبەستی شۆڤێنیستی تەسك بین  و توندرەو ,  یان بۆ مەبەستی خۆ هێوركردنەوەو (اپبات الوجود) ئەنجام دەدرێت  , ئەوەی بەرەی توركومانی و دەوڵەتی توركیای تورانی هەردوكیان دەگرێتەوە , تەنانەت لە سەردەمی رژێمی فاشیدا  لە كەركوك ئەوان هیچ كیشەیەكیان نەبوە وەكو نەتەوە چونكە هیچ كاتێك بە درێژایی میژویان لە كەركوك و دەوروبەریدا زۆرینەیەكی ئەوتۆ نەبوو كە پارسەنگی (ئیتنۆگرافی) مەسەلەكان بگۆرن , وە هیچ كاتێ بەرهەلست نەبوون بۆ رژێم  ئەوكاتەی ئێمە بە هەزاران پێشمەرگەی قارەمانمان  وەكو هەلۆ فاشیستەكانی دەتۆقاند  ئەوان , بە هەزاران كەسیان لە رێزی دەسگا چاو زەقەكان و سوپادا شان بە شانی فاشیستەكان  دەست بەكار بوون .....
 ئێمە لێـــرەدا باسی بەرەی توركومانی دەكەین كە خۆی كردوە بە باشچاوەشی توركومانەكانی ئێراق وە لە میژووی دروست بونیەوە هەوڵ دەدات  بۆ ئاژاوە نانەوەو درۆ و دەلەسە بە فیتی ژەنەراڵە دەست و پێ خوێناویەكانی توركیا , كە نەك هەر خزمەتی گەلی توركومان ناكات بەڵكو خەباتی ئەو كەمە نەتەوەیە دەخاتە ژێر رۆشنایی كۆمەڵێك پرسیار و  بەرەو هەڵدێرو چواشەیی دەبات .
 لێرەدا دەمەوێ  تەنها چەند پرسیارێك ئاراستەی سەرانی ئەو بەرەیە بكەم:-
 ئایا توركومانی ئێراق لە ماوەی  بەلانی  كەمەوە ساڵی 1920 دامەزرانی دەوڵەتی ئێراقەوە توانیویانە خاوەنی ئەو مافانە بن كە ئیمرۆ لە هەرێمی كوردستاندا بۆیان دابین كراوە؟!
 ئایا توركومانی ئێراق دەتوانن ئێمە بەراورد بكەن بە رژێمی كەمالی (تورك رەگەز) لەو رووی مامەڵە كردن لەگەڵ نەتەوەكاندا چ توركومان و ئاسوری و كلدانی عەرەب ؟!
 ئایا بەرەی توركومانی لەوە ناگات كە یاری بە ئاگر دەكات  لە بەرامبەر نەك هەر گەلی كوردستاندا بەڵكو بەرامبەر دەوڵەتی فیدراڵی ئیراق بە گشتی ؟!
 ئایا سیخوری بۆ دەوڵەتی بێگانە لە مەبدەئی  بەرەی توركومانیدا یاساخ و ریسوا نەكراوە  ؟!  یان پەیوەندی (عەرەقی ) ئەو مافەیان پێ دەدات ؟!.
 وڵامی ئەو پرسیارانەشم وا بزانم  لای هەمو كەسێكی توركومان و نا توركومان رون و ئاشكرای , مەگەر لای بەرەی ناوبراو  پیچ و پەنای تێدا بێت چونكە ئەوان لە لایەن كەمالیستەكانەوە قورمیش دەكرین و لە تێگەشتندا سستن ....
 توركومانەكان راستە رەگەز توركن و هەر لەو خێڵانەشن كە لە ئاسیای ناوەراستەوە  كۆچیان كردوە بۆ ناوچەی رۆژ هەڵاتی ناوەراست و لەوێ جێگیر بوون بە تایبەتی لە سەردەمی خەلافەتی دەوڵەتی ئەمەوی و عەبباسیدا ,  كۆچی ئەو خێڵانەش زیاتر بۆ مەبەستی گەران بە دوای لەوەرگەو تالانكردنی ولاتانی تردا بوە , لێرەدا ئێمە دژی ئەوە نین كە ئەوان خاوەنی مێژوویەكن لە رۆژهەڵاتی ناوەراست بەڵام بۆ ئەو مێژوە دەبێت لە سەر حسابی كورد بێت كە بە پێی هەموو سەرچاوە میژویەكان بونی دەگەرێتەوە بۆ زیاتر لە پێنج هەزار ساڵ لە میزەپۆتامیادا واتە زۆر پێش لە دایك بوونی سەنعان ئاغاو ئەتاتۆرك و ئەردۆغان , ئەگەر ئەوانیش واتە هێرشی تەتارە مەنگۆلەكان  بە سەرۆكایەتی هۆلاكۆ و تەیموری لەنگ و دواتریش دەوڵەتی خێلەكی پەرپوتی عوسمانی نەبا ئەورۆ گەلانی رۆژهەڵات لەوانە بوو لە ئاستێكی تری شارستانیدا وەستابان كە كەمتر نەدەبوو لە شارستانێتی ئەروپا , سەیر لەوەدای كە بەرەی توركومانی بەكرێگیراو   لە هەموو بوارێكدا نارەحەتی خۆیان دەردەبرن لە مەسەلەی كەركوك و فیدرالی بە ناوی ئەوەی كە گوایە ئەوان لایەنی یەكیەتی خاكی عێراقن وە لەوە دەترسن كە عێراق دابەش بێت , كەچی لە لایەكی ترەوە سیخوری و جاسوسی بۆ دەوڵەتی توركیا دەكەن و هەلهەلەی پیخوشحاڵی لێ دەدەن بۆ لەشكركێشی توركیا لەژێر بیانوی تورانی و شۆڤێنی  مەغۆلەكان بۆ خاكی كوردستانی باشور.